2030-cu ilədək 25 dayanacaq və stansiya istifadəyə veriləcək

Azərbaycan Dəmir Yolları QSC (ADY) Bakı və ətraf ərazilərdə dəmir yolu şəbəkəsini genişləndirir. 2030-cu ilədək əlavə 25 dayanacaq və stansiya istifadəyə veriləcək.

ADY-dən Paraqraf.com-a verilən məlumata görə, Dövlət Proqramı çərçivəsində aşağıdakı istiqamətlərdə dəmir yolu xətləri bərpa olunacaq və yeni stansiyalar tikiləcək:

– Yeni Suraxanı-Hövsan (4 stansiya)

– Bakıxanov-Binə-Qala (7 stansiya)

– Zabrat-Maştağa-Bağlar (7 stansiya)

Məlumata görə, hazırda Dərnəgül dayanacağının tikintisi sürətlə davam edir, Kürdəxanı, Fatmayı, Saray və Binəqədi dayanacaqları yaradılır. Bundan əlavə, Baş Keşlə və Nərimanov stansiyalarında qatarların dayanması təmin olunacaq.