“İnklüzivliyin Sirri 6” konfransı keçiriləcək

20 Yanvar faciəsinin ildönümü ilə əlaqədar olaraq, Azərbaycan xalqının qəhrəmanlıq, mübarizə və milli iradə tarixini yaşatmaq, eyni zamanda inklüziv cəmiyyətin qurulmasına diqqət çəkmək məqsədilə “İnklüzivliyin Sirri 6” adlı konfrans keçiriləcək.

Tədbirin əsas məqsədi inklüzivlik anlayışının cəmiyyətin bütün sahələrində təşviqi, bərabər imkanların yaradılması, sosial həssas qrupların səsinin eşidilməsi və bu istiqamətdə dövlət–ictimai əməkdaşlığın gücləndirilməsidir. Konfrans 20 Yanvar şəhidlərinin əziz xatirəsinə həsr olunub və onların azadlıq uğrunda göstərdikləri fədakarlığın gələcək nəsillərə çatdırılmasını hədəfləyir.

Konfrans 17 yanvar tarixində, saat 12:00-da, Yeni Klinikada keçiriləcək.

Tədbir Yeni Azərbaycan Partiyası Nizami Rayon Təşkilatı, Yeni Klinika, “Ümidlə Gəl” xeyriyyə layihəsi, Azərbaycan Qan Donorluğunun İnkişafı Mərkəzi və “Hera” Ailə Naminə İB-nin rəsmi tərəfdaşlığı, Bayraqdar İctimai Birliyi və Inclusive Organization Company-nin təşkilatçılığı ilə baş tutacaq.

Konfrans çərçivəsində inklüziv cəmiyyətin formalaşdırılması, sosial məsuliyyət, humanizm dəyərləri, vətəndaş həmrəyliyi və milli yaddaş mövzularında çıxışlar və müzakirələr aparılacaq, çağırış xarakterli mesajlar səsləndiriləcək.

Qeyd edək ki, tədbirdə iştirak etmək istəyənlərin əvvəlcədən qeydiyyatdan keçməsi xahiş olunur.
Əlaqə nömrəsi: 055 222 76 26

Paraqraf.com