Londonun “Arsenal” klubu İngiltərə Liqa Kubokunun yarımfinalı çərçivəsində səfərdə “Çelsi”yə qalib gəlib.
Paraqraf.com xəbər verir ki, paytaxt derbisi 3:2 hesabı ilə başa çatıb.
Yeddinci dəqiqədə “topçular”ın müdafiəçisi Ben Uayt künc zərbəsindən ötürmədən sonra baş zərbəsi ilə hesabı açıb. 49-cu dəqiqədə hücumçu Viktor Dyökereş komandasının üstünlüyünü ikiqat artırıb.
57-ci dəqiqədə “Çelsi”nin vingeri Alexandro Qarnaço fərqi azaldıb. 71-ci dəqiqədə yarımmüdafiəçi Martin Subimendi “Arsenal”ın üçüncü qolunu vurub. 12 dəqiqə sonra Qarnaço dublunu rəsmiləşdirib.
Yarımfinalın cavab oyunu fevralın 2-də baş tutacaq.
Turnirin martın 22-də keçiriləcək finalında bu cütün qalibi “Mançester Siti” – “Nyukasl” matçının güclüsü ilə qarşılaşacaq.
Paraqraf.com
