“Kazmortransflot” ötən il Xəzər dənizi ilə konteyner daşımalarını 15 %-dən çox artırıb

“Kazmortransflot” (“Kazmunaygaz”ın törəmə şirkəti, KMG) 2025-ci ildə Xəzər dənizi ilə konteyner daşımalarını 15 %-dən çox artırıb.

Bu barədə Paraqraf.com KMG-yə istinadən xəbər verir.

“Ötən ilin yekunları üzrə, KMG-nin törəmə şirkəti Xəzər dənizi ilə konteyner daşımalarında davamlı artım nümayiş etdirərək Qazaxıstanın tranzit-nəqliyyat potensialının inkişafında mövqelərini möhkəmləndirib. Belə ki, ötən il Aktau-Bakı-Aktau fider xətti üzrə 59,4 min TEU (20 fut ekvivalentində) konteyner daşınıb. Bu göstərici 2024-cü illə müqayisədə (51,4 min TEU) 15 %-dən çoxdur”, – məlumatda qeyd edilib.

Bildirilib ki, bununla bağlı müsbət dinamika Transxəzər Beynəlxalq Nəqliyyat Marşrutu (Orta Dəhliz) üzrə daşımalara tələbatın artması ilə əlaqədardır.

Paraqraf.com