Yutub tarixində ən uzunmüddətli video – 140 ildən çox davam edəcək

Yutuba 140 ildən çox davam edən video yüklənilib.

“Cebheinfo.az” xəbər verir ki, başlığı, görüntüsü və səsi olmayan bu qeyri-adi video platformada 5 yanvar tarixində paylaşılıb.

Videonun yükləndiyi hesabda videonun 1234567 saat 30 dəqiqə 0 saniyə davam etdiyi qeyd edilib. Bu 51,5 min gün və ya 140 ildən çoxdur. Platformada əvvəllər heç vaxt belə uzunluqda videolar olmayıb. Lakin videonu açdıqda onun müddəti 12 saat 34 dəqiqə və 56 saniyəyə qədər azalır.

Onu yükləyən istifadəçinin Şimali Koreyada qeydiyyatdan keçdiyi iddia olunur. Hazırda 3 milyondan çox baxışı olan bu videonun təsvirində müəmmalı bir yazı da qeyd olunub. Bəzi istifadəçilər bunu “Cəhənnəmdə görüşənədək” cümləsinin kodlaşdırması kimi şərh edirlər.

Videonu yükləyən müəllifin profilində 294 saat davam edən başqa bir video da var.

Bundan əlavə, o, 150 saat davam edən “shorts” da paylaşıb.

Həmin videonu təqdim edirik:

​​​​​​

Paraqraf.com