“Mançester Yunayted” Ruben Amorimlə yollarını ayırmağının səbəbini açıqlayıb

İngiltərənin “Mançester Yunayted” komandası baş məşqçisi Ruben Amorimlə yollarını ayırdığını rəsmən elan edib.

Paraqraf.com xəbər verir ki, bu barədə məşhur insayder Fabritsio Romano məlumat yayıb.

Bildirilir ki, rəhbərlik komandanın Premyer Liqada 6-cı sırada yer almasından narazıdır və bu səbəbdən istəksiz olsalar da, dəyişiklik etmək qərarına gəliblər.

Portuqaliyalı mütəxəssisə göstərdiyi xidmətlərə görə təşəkkür edilib.

Qeyd edək ki, Ruben Amorim 2024-cü ilin noyabrında baş məşqçi təyin olunmuşdu.
Paraqraf.com