Lebron Ceyms NBA-da rekorda imza atıb

“Los-Anceles Leykers”in 41 yaşlı basketbolçusu Lebron Ceyms NBA tarixində tripl-dabl edən ən yaşlı oyunçu ünvanına sahib çıxıb.

Paraqraf.com xəbər verir ki, təcrübəli basketbolçu bu rekorda müntəzəm çempionatın “Dallas Maveriks” ilə matçında imza atıb.

Görüş “Los-Anceles Leykers”in 124:104 hesablı qələbəsi ilə başa çatıb.

Qalib komandanın heyətində 28 xal, 10 ribaund və 12 assistlə yadda qalan L.Ceyms Karl Melouna (40 yaş) məxsus olan rekordu yeniləyərək adını tarixə yazdırıb.

Paraqraf.com