Qlobal siyasətdə baş verən dəyişikliklər fonunda dövlətlərin xarici siyasət prioritetləri də yenidən formalaşır. Bu baxımdan Azərbaycanın uzun müddətdir tətbiq etdiyi çoxvektorlu xarici siyasət modeli aktuallığını qoruyan mövzulardan biri kimi diqqət çəkir.
Sabiq xarici işlər naziri Elmar Məmmədyarov “Paraqraf.com”a bildirib ki, ilk növbədə Azərbaycan öz ərazi suverenliyini tam şəkildə bərpa edir:
“Ona görə də Azərbaycan xarici siyasətində əsas məqsədlərinə nail olub. Azərbaycan o qədər böyük ölkə deyil ki, siyasətini tam şəkildə müstəqil və sərbəst formada apara bilsin. Bu baxımdan müxtəlif bloklarla əməkdaşlıq önəmlidir. Məsələn, Avropada NATO və Avropa İttifaqı kimi qurumlar mövcuddur. Azərbaycan üçün Türk Dövlətləri ilə əməkdaşlıq da çox vacib platformadır və faydalıdır. Bu istiqamətdə Orta Asiya ölkələri və Türkiyə ilə əlaqələrin genişləndirilməsi dəstəklənməlidir”.
Kəmalə Vəliyeva
Paraqraf.com
