Azərbaycan Niderlanddan qızılgül idxalını 5 dəfədən çox artırıb

Bu ilin yanvar ayında Azərbaycana xaricdən 652 min ABŞ dolları dəyərində 480 min ədəd qızılgül gətirilib.

Paraqraf.com-un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 37 %, kəmiyyət olaraq – 26 % azdır.

Hesabat dövründə Azərbaycan Ekvadordan 525 min ABŞ dolları dəyərində (1 il əvvəlki göstəricidən 38 % az) 366 min ədəd (-24 %), Keniyadan 56 min ABŞ dolları dəyərində (+2,6 dəfə) 45 min ədəd (+3 dəfə), Kolumbiyadan 24,4 min ABŞ dolları dəyərində (-75 %) 22 min ədəd (-69 %), Çindən 17,7 min ABŞ dolları dəyərində (+82 %) 4,4 min ədəd (-36 %), Niderlanddan 7,1 min ABŞ dolları dəyərində (+4 dəfə) 6,3 min ədəd (+5,3 dəfə) məhsul alıb.

2025-ci ildə Azərbaycana idxal edilmiş 9,27 milyon ədəd qızılgülün 65 %-i Ekvadorun payına düşüb.

 

Paraqraf.com