Azərbaycanda unlu qənnadı məmulatlarının istehsalı 2 %-dən çox artıb

Bu ilin yanvar-fevral aylarında Azərbaycanda 11 min 723,2 ton unlu qənnadı məmulatları istehsal edilib.

Paraqraf.com Dövlət Statistika Komitəsinə istinadən xəbər verir ki, bu, 2025-ci ilin eyni dövrü ilə müqayisədə 2,4 % çoxdur.

Martın 1-nə ölkədə müəssisələrin anbarlarında 455,4 ton hazır məhsul ehtiyatı yaranıb ki, bu da 1 il əvvələ nisbətən 2,1 dəfə azdır.

Hesabat dövründə Azərbaycanda 937,7 milyon manatlıq qida məhsulları istehsal edilib ki, bu da illik müqayisədə 11,4 % çoxdur.

 

Paraqraf.com