Voleybol üzrə Yüksək Liqada təxirə salınmış oyunların tarixi müəyyənləşib

Kişi və qadın voleybolçular arasında Azərbaycan Yüksək Liqasında təxirə salınmış oyunların tarixi müəyyənləşib.

Paraqraf.com-un məlumatına görə, III turdan təxirə salınmış hər iki qarşılaşma dekabrın 22-də baş tutacaq.

Kişilər arasında “Xilasedici” – “Azərreyl” oyunu Fövqəladə Hallar Nazirliyinin idman zalında keçiriləcək. Qadınların mübarizəsində isə “Milli Aviasiya Akademiyası” və “Abşeron” kollektivləri güclünü müəyyənləşdirəcəklər. Bu qarşılaşma Milli Aviasiya Akademiyasının idman zalında reallaşacaq.

Hər iki matçın start fiti saat 17:00-da səslənəcək.

Paraqraf.com