Məzuniyyətdə alınan maaş yeni qaydada hesablanacaq
“İşçinin məzuniyyətdə olduğu müddətdə aldığı əməkhaqqının sonuncu əməkhaqqısından az olmamaqla ödənilməsi ilə bağlı Əmək Məcəlləsinə tənzimləmə gətirilir”.
Paraqraf.com “Qafqazinfo”ya istinadən xəbər verir ki, bunu Milli Məclisin Sosial qanunvericilik şöbəsinin müdiri Adil Vəliyev Əmək və sosial siyasət komitəsinin iclasında Əmək Məcəlləsinə təklif olunan dəyişikliyin müzakirəsi zamanı bildirib.
O qeyd edib ki, 120-ci maddə yeni redaksiyada verilərək məzuniyyət hüququ 46 təqvim günü olan xüsusi xidmətli işçilərin dairəsi yenilənib: “Gender bərabərliyinin təmin edilməsi məqsədilə uşağın doğulması ilə əlaqədar kişilərə tibb müəssisəsinin arayışı əsasında doğuşdan əvvəl və doğuşdan sonra olan dövrdə cəmi 14 təqvim günü müddətində ödənişli məzuniyyət verilməsi nəzərdə tutulması ilə bağlı 125-ci maddənin 4-cü hissəsində norma müəyyən edilib.
Təcrübədə yaranan uyğunsuzluqların aradan qaldırılması məqsədilə Məcəllənin 177-ci maddəsində həmin maddənin 2-ci və 3-cü hissələrində göstərilən hallarda hesablanmış birgünlük əməkhaqqı qismən ödənişli sosial məzuniyyətdə və işəgötürənin təşəbbüsü ilə ödənişsiz məzuniyyətdə olması, eləcə də işçinin təqsiri olmadan boşdayanma səbəblərindən işçinin sonuncu birgünlük əməkhaqqsından az olduğu halda sonuncu birgünlük əməkhaqqının tətbiq edilməsi ilə bağlı dəyişiklik edilib”.
Paraqraf.com
