Bu gün Mingəçevir Dövlət Universitetinin (MDU) ev sahibliyi ilə “Davamlı inkişaf strategiyası: qlobal trendlər, milli təcrübələr və yeni hədəflər” mövzusunda III Beynəlxalq elmi konfrans keçirilib. Tədbirdə yerli və xarici ali təhsil müəssisələrinin nümayəndələri, tədqiqatçılar, mütəxəssislər və gənc alimlər iştirak ediblər.
Mingəçevir Dövlət Universitetinin müəllimi kimi konfransda iştirak etmək mənim üçün böyük məmnuniyyət doğurdu. Tədbirin yüksək səviyyədə təşkilinə görə universitetin rektoru Anar Eminova və konfransın hazırlanmasında əməyi olan bütün əməkdaşlara təşəkkür edirəm.
Xarici ölkələrdən dəvət olunan alim və elm adamlarının aktual mövzular üzrə təqdim etdikləri tədqiqatlar iştirakçıların marağına səbəb olub, müzakirələr isə elmi baxımdan olduqca faydalı və düşündürücü xarakter daşıyıb.
Konfrans zamanı çıxış edənlər davamlı inkişafın yalnız yerli səylərlə deyil, beynəlxalq əməkdaşlıqla reallaşa biləcəyini vurğulayıblar. Tədbir iştirakçıları universitetlər, elmi-tədqiqat mərkəzləri və dövlət qurumları arasında birgə fəaliyyətin bu istiqamətdə mühüm rol oynadığını xüsusi qeyd ediblər.
Həsən
Paraqraf.com
