161 nömrəli məktəbin müəllimi sertifikasiyada 53 bal topladı – direktor onu güllə təbrik etdi

Bakı şəhəri 161 nömrəli tam orta məktəbin müəllimi Günəş Məmmədova müəllimlərin sertifikasiya imtahanında 53 bal toplayaraq maksimal nəticəyə çox yaxın göstərici əldə edib.

Müəllimin yüksək nəticəsi məktəb rəhbərliyi tərəfindən böyük sevinc və qürurla qarşılanıb. Məktəbin direktoru Rəna Hüseynova Günəş Məmmədovanı bu uğuru münasibətilə gül dəstəsi təqdim edərək təbrik edib, ona gələcək fəaliyyətində yeni nailiyyətlər arzulayıb.

Qeyd edək ki, müəllimlərin sertifikasiya prosesi onların peşəkar bilik və bacarıqlarının qiymətləndirilməsi məqsədi daşıyır. Günəş Məmmədovanın topladığı 53 bal onun peşəkarlığının və müəllimlik fəaliyyətinə məsuliyyətlə yanaşmasının bariz nümunəsi kimi qiymətləndirilir.

Həsən
Paraqraf.com