Postsovet irsi mənzil siyasətinin formalaşmasına təsir edir.
Paraqraf.com xəbər verir ki, bunu Gürcüstanın Məkan və Şəhərsalma İnkişafı Agentliyinin rəhbərinin I müavini Tinatin Kolbaia Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş “Siyasətdən Təsirə: Mənzil Təminatının Miqyasının Artırılması” adlı tədbirdə bildirib.
“Biz planlaşdırma institutuyuq. Bu institut 2022-ci ildə institusionallaşdırılıb, çünki Gürcüstanda planlaşdırma ehtiyacı yarandı və ictimai qurum kimi yaradıldıq. Əsas ideya milli məkan planını hazırlamaq idi. Biz bələdiyyələri də əhatə edirik, bələdiyyə planları üzərində işləyirik, şəhərsalma planları üzərində işləyirik, lakin əsas məqsəd milli məkan planını hazırlamaqdır. Bizim qanunvericilikdə mənzil təminatı bənd kimi, mövzu kimi və daha sonra problem kimi qeyd olunub: “Beləliklə, mənzil təminatının xüsusi tənzimlənəcəyini nəzərdə tutan müddəa var. Bununla belə, yeddi ildən sonra mənzil təminatı milli səviyyədə tənzimlənmir, bizim milli mənzil siyasətimiz yoxdur. Cəmiyyətin ehtiyaclarına uyğun olaraq ayrı-ayrı mənzil proqramlarımız var. Bildiyiniz kimi, biz postsovet ölkəsiyik və münaqişələrin, postsovet dağılmasının irsi ilə üz-üzəyik”, – deyə o qeyd edib.
Paraqraf.com
