Qərbi Azərbaycan İcması Ümummilli Lider Heydər Əliyevin xatirəsini yad etdi

Qərbi Azərbaycan İcmasının rəhbərliyi və icma üzvləri 12 dekabr – müstəqil Azərbaycanın qurucusu, Ümummilli Lider Heydər Əliyevin Anım Günü ilə əlaqədar Fəxri Xiyabanda Ulu Öndərin məzarını ziyarət ediblər.

Ziyarət zamanı icma üzvləri Heydər Əliyevin məzarı önünə tər gül dəstələri düzüb, onun əziz xatirəsinə dərin ehtiramlarını ifadə ediblər. Tədbirdə Ümummilli Liderin Azərbaycan dövlətçiliyinin möhkəmlənməsi və xalqın rifahı naminə göstərdiyi misilsiz xidmətlərdən bəhs olunub, onun zəngin irsinin bu gün də ölkənin inkişafına istiqamət verdiyi vurğulanıb.

Daha sonra Qərbi Azərbaycan İcmasının nümayəndələri görkəmli alim, tanınmış oftalmoloq, akademik Zərifə Əliyevanın məzarını da ziyarət ediblər. İştirakçılar Zərifə xanımın elm və səhiyyə sahəsindəki böyük xidmətlərini xatırlayaraq onun əziz xatirəsini ehtiramla yad ediblər.

Qərbi Azərbaycan İcmasının üzvləri hər iki ziyareti Azərbaycan xalqının milli yaddaşına, tarixinə və dövlətçilik ənənələrinə bağlılığın təzahürü kimi dəyərləndiriblər.

 

Paraqraf.com