Ukrayna ABŞ-nin 28 bəndlik sülh təklifinə cavab olaraq öz 20 bəndlik planını təqdim edib. Zelenski, ABŞ-nin Donbasdan qoşunların çıxarılması və Kiyevin nəzarətində olan bəzi ərazilərdə “azad iqtisadi zona” yaradılması təklifini ədalətli hesab etmədiyini bildirib. O, bu tənzimləmənin Rusiyanın xeyrinə ola biləcəyini vurğulayıb. Trampın Ukraynada seçki çağırışına cavab olaraq isə Zelenski, təhlükəsizlik şərtləri təmin edilmədən seçkilərin keçirilməsinin mümkün olmadığını, ən azı seçki prosesində atəşkəsin zəruri olduğunu qeyd edib.
Paraqraf.com xəbər verir ki, Zelenski ABŞ nümayəndə heyətinə Ukraynaya qoşunlarını Donbas bölgəsindən çıxarmağı və Vaşinqton administrasiyasına Kiyevin nəzarətində olan bəzi ərazilərdə “azad iqtisadi zona” və ya “demilitarizasiya zonası” yaradılmasını təklif edib.
Zelenski, bu regionun necə idarə olunacağı ilə bağlı dəqiq çərçivənin təqdim edilmədiyini vurğulayaraq, yaranan qeyri-müəyyənliyin Moskvanın öz xeyrinə istifadə etməsi üçün imkan yaradacağını bildirib. Ukrayna lideri təklifin ədalətsiz olduğunu qeyd edərək, Kiyev geri çəkilsə, Rusiya ordusunun bölgələrə nəzarəti tez bir zamanda ələ keçirə biləcəyini əlavə edib.
Kəmalə Vəliyeva
Paraqraf.com
