Zelenski: Rusiyada iki neft emalı zavoduna zərbələr endirilib

Ukrayna Ufada (Rusiya) iki neft emalı zavoduna – “Başneft-Ufaneftexim” və “Başneft-Novoyl”a zərbələr endirib.

Paraqraf.com xəbər verir ki, bu barədə Ukrayna Prezidenti Volodimir Zelenski sosial şəbəkələrdə bildirib.

“Bu gün səhər saatlarında Ukrayna Təhlükəsizlik Xidməti Ufadakı iki neft emalı zavoduna – “Başneft-Ufaneftexim” və “Başneft-Novoyl”ə zərbə endirib. Bu, cəbhə xəttindən 1500 kilometr aralıdadır”, – o qeyd edib.

V.Zelenski həmçinin təsdiqləyib ki, iyunun 25-nə keçən gecə Ukrayna Müdafiə Qüvvələrinin bölmələri Rusiyanın Krasnodar diyarında, cəbhə xəttindən təxminən 300 kilometr məsafədə yerləşən neft anbarına zərbə endirib.

 

Paraqraf.com