XİN: Rusiya Moldova ərazisinə düşən istənilən PUA-ya görə məsuliyyət daşıyır

Moldova ərazisinə düşən istənilən pilotsuz uçuş aparatına görə Rusiya məsuliyyət daşıyır.

Paraqraf.com xəbər verir ki, bu barədə Moldova Xarici İşlər Nazirliyinin bəyanatında deyilir.

İlkin məlumata görə, aşkar edilmiş pilotsuz uçuş aparatının Ukraynaya məxsus olması ehtimalı daha yüksəkdir.

“Pilotsuz uçuş aparatının mənşəyindən asılı olmayaraq, Moldova Respublikasının ərazisinə düşən istənilən drona görə məsuliyyət qonşu ölkədə qanunsuz müharibəyə başlayan Rusiyanın üzərinə düşür”, – məlumatda qeyd olunub.

Nazirlikdən verilən məlumata görə, insidentlə bağlı araşdırmanın aparılması ilə əlaqədar Ukrayna hakimiyyəti ilə daim əlaqə saxlanılır.

 

Paraqraf.com