İlk təəssürat insanlar arasında ünsiyyətin və münasibətlərin formalaşmasında mühüm rol oynayır. İnsanlar bir-biri ilə ilk dəfə qarşılaşdıqda qarşı tərəfin görünüşü, davranışı, danışıq tərzi və ünsiyyət bacarıqları əsasında müəyyən fikir formalaşdırırlar. Bu ilkin fikir sonrakı münasibətlərə də təsir göstərə bilər. Buna görə də ilk təəssürat həm şəxsi, həm də peşəkar həyatda uğurlu ünsiyyətin vacib amillərindən biri hesab olunur.
Psixoloq Zəhra Quliyeva “Paraqraf.com”-a açıqlamasında bildirib ki, ilk təəssürat münasibətlərin qurulmasında mühüm rol oynayır:
“İnsanlar bir-biri ilə ilk dəfə qarşılaşdıqda qarşı tərəfin görünüşünə, davranışına, danışıq tərzinə və ünsiyyət bacarıqlarına diqqət yetirirlər. Bu amillər əsasında formalaşan ilkin fikir sonrakı münasibətlərin inkişafına təsir göstərə bilər. İlk təəssürat zamanı səliqəli görünüş, nəzakətli davranış, səmimi təbəssüm, göz təması və özünəinamlı ünsiyyət ən çox diqqət çəkən məqamlardandır. Müsbət ilk təəssürat etibarın yaranmasına və sağlam münasibətlərin qurulmasına şərait yaradır. Buna görə də həm şəxsi, həm də peşəkar həyatda özünü düzgün təqdim etmək və müsbət ünsiyyət yaratmaq böyük əhəmiyyət daşıyır”.
Kəmalə Vəliyeva
Paraqraf.com
