Həmvətənlərə Dəstək İctimai Birliyində təşkilati məsələlərlə bağlı növbəti qərarlar qəbul edilib. Birliyin fəaliyyət istiqamətlərinin daha da genişləndirilməsi, idarəetmənin təkmilləşdirilməsi və qarşıda duran məqsədlərin daha effektiv icrası məqsədilə yeni üzvlük tərkibi müəyyən olunub.
Qəbul edilən qərara əsasən, qurumun müxtəlif sahələr üzrə fəaliyyət göstərəcək yeni üzvləri təsdiqlənib. Yeni tərkibə ictimai fəallığı, peşəkarlığı və təşkilatın məqsədlərinə sadiqliyi ilə seçilən şəxslər daxil edilib.
Birliyin sədri Simara Süleymanova bildirib ki, yeni komandanın formalaşdırılması təşkilatın gələcək fəaliyyətinə mühüm töhfə verəcək:
“Hədəfimiz həmvətənlər arasında birliyi möhkəmləndirmək, sosial təşəbbüsləri genişləndirmək və cəmiyyət üçün faydalı layihələrin həyata keçirilməsini sürətləndirməkdir. Yeni üzvlərin bu istiqamətdə uğurlu fəaliyyət göstərəcəyinə inanırıq”.
Qeyd olunub ki, Həmvətənlərə Dəstək İctimai Birliyi bundan sonra da sosial, humanitar və ictimai əhəmiyyətli layihələrin icrasında fəal iştirak edəcək, həmçinin vətəndaş cəmiyyətinin inkişafına töhfə verməyə davam edəcək.
Yeni tərkibə daxil olan üzvlərə fəaliyyətlərində uğurlar arzulanıb və qarşıdakı dövrdə birliyin daha genişmiqyaslı layihələr həyata keçirəcəyi vurğulanıb.
Paraqraf.com
