Azərbaycan Basketbol Liqasında XIX tur bu gün başa çatacaq

Azərbaycan Basketbol Liqasında XIX tur bu gün keçiriləcək 1 oyunla başa çatacaq.

Paraqraf.com xəbər verir ki, son qarşılaşma A qrupunda “NTD” və “Şəki” komandaları arasında reallaşacaq.

Görüş Bakı İdman Sarayında, saat 17:00-da başlayacaq.

Hər iki kollektivin 20 xalı var. Turnir cədvəlində NTD beşinci, “Şəki” isə sonuncu – altıncıdır.

Qeyd edək ki, turun əvvəlki matçlarında “Ordu” “Sumqayıt”ı (121:98), “Naxçıvan” “Sərhədçi”ni (83:67), “Quba” “Lənkəran”ı (95:88), “Abşeron Lions” “Neftçi”ni (107:87), “Sabah” isə “Gəncə”ni (87:73) üstələyib.

 

Paraqraf.com