Dalay Lamanın adı “Epşteyn işi”ndə: Düz 168 dəfə
ABŞ Ədliyyə Nazirliyi tərəfindən “Epşteyn işi” üzrə məxfilikdən çıxarılan sənədlərdə 14-cü Dalay Lama Tenzin Gyatsonun adına ən azı 168 dəfə rast gəlinir.
2012-ci ilin oktyabr tarixli bir elektron poçtla məktub göndərən şəxs Dalay Lamanın iştirak etməsi planlaşdırılan bir tədbirə qatılmaq istədiyini yazır. Ancaq Dalay Lama Epşteynlə görüşdən imtina edib.
“Biz birmənalı şəkildə təsdiq edə bilərik ki, Müqəddəs Həzrətləri heç vaxt Cefri Epşteynlə görüşməyib. Eyni zamanda, Müqəddəs Həzrətləri öz adından Epşteynlə heç bir görüşə və ya qarşılıqlı əlaqəyə icazə verməyib”, – deyə Dalay Lamanın katibliyi bildirib.
