Kanada Ukraynaya 143 milyon dollar hərbi yardım edəcək

Kanada Ukraynaya 143 milyon dollar hərbi yardım edəcəyini açıqlayıb.

Paraqraf.com xəbər verir ki, bu barədə Kanada Müdafiə Nazirliyi məlumat yayıb.

Kanada NATO-nun Prioritetləşdirilən Ukrayna Tələblər Siyahısının (PURL) bir hissəsi kimi ABŞ-dən kritik hərbi imkanlar paketi alacaq. Kanadanın bu paketə töhfəsi 200 milyon Kanada dolları (təxminən 143 milyon dollar) olacaq.

Kanadanın sözügedən paketə verdiyi töhfənin Kanadanın Ukraynaya, onun NATO müttəfiqlərinə və Avro-Atlantik regionun təhlükəsizliyinə olan sarsılmaz öhdəliyini əks etdirdiyini vurğulayaraq bildirib ki, müttəfiqlərimizlə birlikdə bu PURL paketinə töhfə verməklə, Ukraynanın öz xalqını və suverenliyini müdafiə etmək üçün ehtiyac duyduğu qabaqcıl imkanları tez bir zamanda əldə etməsini təmin edirik.

Avqustda tərtib edilən satınalma planına əsasən, digər müttəfiqlərin töhfələri də daxil olmaqla, Ukraynaya ümumi hərbi yardım 500 milyon dollar təşkil edəcək.

 

Kəmalə Vəliyeva

Paraqraf.com