Yunanıstanda yüz minlərlə qoyun və keçi məhv edilib

Yunanıstanda qoyun və keçilər arasında yayılan çiçək xəstəliyi yüz minlərlə heyvanın məhv edilməsinə səbəb olub. Bu, ölkənin məşhur feta pendirinin istehsalını və ixracını da təhlükəyə atır.

Paraqraf.com xarici KİV-ə istinadən xəbər verir ki, Thessaly bölgəsindəki Karditsa şəhəri yaxınlığında 650 qoyunu olan Anastasiya Siourtou bu gün boş tövlələrdə səssizliyin hökm sürdüyünü söyləyib.

Noyabrın 12-də fermada qoyun-keçi çiçəyi aşkar edildikdən sonra baytarlıq briqadaları bütün sürünü məhv edib. Siourtou qeyd edib:

“İki kilometr uzaqda başqa bir fermada da xəstəlik vardı, lakin onu gizlətdilər. Çox güman ki, xəstəlik bu yolla yayıldı”.

Atasından miras qalan fermanı genişləndirən Siourtou həm də baytardır. Heyvanların itirilməsi onun üçün təkcə maddi zərbə deyil, eyni zamanda fermadan alınan qoyun südü feta pendirinin istehsalı üçün əsas xammaldır və Yunanıstanda “ağ qızıl” kimi tanınır.

Kəmalə Vəliyeva

Paraqraf.com