Azərbaycan Respublikası Milli Məclisinin sədri Sahibə Qafarovanın təşəbbüsü ilə Milli Məclis və Azərbaycan Respublikası Vəkillər Kollegiyası arasında əməkdaşlıq çərçivəsində vətəndaşlara ödənişsiz hüquqi yardımın göstərilməsi məqsədilə 2025-ci il noyabrın 13-də Abşeron rayonu, Mehdiabad qəsəbəsində görüş keçirilib.
Görüşdə Milli Məclisin deputatı Ramid Namazov və Vəkillər Kollegiyasının üzvləri iştirak ediblər. Vətəndaşlarla keçirilən fərdi qəbul zamanı onların sosial müdafiə, hüquqi məsələlər, məşğulluq və digər sahələrə dair müraciətləri dinlənilib, müvafiq sahələr üzrə dəstək göstərilib. Qaldırılan məsələlərin qanunvericilik çərçivəsində baxılması və aidiyyəti qurumlara yönləndirilməsi üçün lazımi qeydlər aparılıb.
Abşeron rayon sakinləri bu ödənişsiz hüquqi yardım təşəbbüsünü dövlətin yüksək qayğısı kimi qiymətləndirərək, Azərbaycan Respublikasının Prezidentinə, Milli Məclisin sədrinə və Vəkillər Kollegiyasının rəhbərliyinə təşəkkürlərini bildiriblər.
Paraqraf.com
