“20-ci əsrin ən gözəl oğlanı” vəfat etdi
İsveçli aktyor və musiqiçi Byern Andresen 71 yaşında dünyasını dəyişib.
Paraqraf.com , bu barədə “Dagens Nyheter” qəzeti məlumat verib.
“Venesiyada ölüm” italyan filmindəki rolu Andresenə beynəlxalq şöhrət qazandırıb. Daha sonra o, “Dünyanın ən gözəl oğlanı” sənədli filminin mərkəzi fiquruna çevrilib.
1955-ci ildə anadan olan Byern Andresen ekranda öz debütünü 1970-ci ildə Roy Anderssonun “Sevgi hekayəsi” filmində edib. Növbəti il rejissor Luçino Viskonti onu Tomas Mannın “Venesiyada ölüm” novellasının ekranlaşdırılmış versiyasında baş rola cəlb edib ki, Andresen burada gənc “Tadzio”nu canlandırıb. Premyeradan sonra aktyor beynəlxalq şöhrət əldə edib, onun görünüşü isə ictimaiyyətin əhəmiyyətli dərəcədə diqqətini cəlb edib. Məhz Viskonti onu “20-ci əsrin ən gözəl oğlanı” kimi xarakterizə edib.
Aktyorun ölümü ilə bağlı məlumatı nəşrə Kristina Lindstremlə birlikdə Andresenin həyatı haqqında sənədli film çəkən rejissor Kristian Petri verib. Filmin yaradıcılarının sözlərinə görə, onlar bir neçə il ərzində aktyorun həyatını izləyiblər. Müsahibələrdə Andresen etiraf edirdi ki, qazandığı şöhrətdən sonra onun depressiya və alkoqol asılılığı kimi ciddi problemləri yaranıb.
1980-ci illərdə Andresen Stokholm Teatr Məktəbində təhsil alıb. Bundan əlavə, o, həmçinin rəqs ansamblında klaviatura alətlərində ifa edib və kinoda, televiziyada rollara çəkilməyə davam edib. Onun əsərləri arasında “Aqnes Sesiliya – Qəribə hekayə”, “Lazermen”, “Cənablar və qanqsterlər” filmlərindəki rolları yer alır.
Paraqraf.com
