Azərbaycanda uşaqpulu verilə bilər, buna büdcəmiz yetərlidir?

Azərbaycanda 1–18 yaş arası uşaqlara aylıq 100 manat uşaqpulu vermək üçün nə qədər vəsait lazımdır?

Azərbaycanda uşaqpulu məsələsi uzun illərdir gündəmdədir. Əhalinin sosial rifahının artırılması, gənc ailələrin dəstəklənməsi və demoqrafik artımın təşviqi baxımından bu addımın iqtisadi əsaslarının olub-olmaması maraq doğurur. Gəlin real rəqəmlərlə baxaq: əgər hökumət 1-18 yaş arası bütün uşaqlara ayda 100 manat uşaqpulu versə, dövlət büdcəsindən nə qədər vəsait tələb olunardı?

Rəsmi statistikaya görə, Azərbaycanın ümumi əhalisi 10 milyon 397 min 713 nəfərdir.

Bizim hesablama üçün 1–18 yaş qrupu əsas götürülüb. Bu, 0–14 yaş + 15–18 yaş intervallarını əhatə edir. 15–18 yaş təxminən 4,5% hesablandıqda, ümumi pay 26,8% olur.

Əgər hər bir uşağa ayda 100 manat uşaqpulu verilsə, aylıq ümumi xərc 278,7 milyon manat edəcək.

İllik ümumi xərc isə 3 milyard 344 milyon 400 min manat edir.

Azərbaycanın 2025-ci ilin ilk 9 ayı üzrə dövlət büdcəsində 4 milyard 474,2 milyon manat artıq vəsait (profisit) formalaşıb.

Vəsait artıq qalıbsa, artıq vəsait uşaqpulu üçün yetərlidirmi?

Uşaqpulu üçün illik tələb olunan vəsait: 3,34 milyard manat

2025-ci ilin artıq büdcə vəsaiti: 4,47 milyard manatdır. 4,47 – 3,34 = 1,13 milyard manat artıq qalır.

Deməli 2026-cı ildə istəsək uşaqpulu verə bilırik. Nə mane olur?

Razi Abasbəyli

paraqraf.com