Keyt Middlton və şahzadə Uilyam qonşularını qəzəbləndirdilər

Şahzadə Uilyam və Keyt Middlton köçləri ilə qonşularını qəzəbləndiriblər.

Paraqraf.com xəbər verir ki, bu barədə “The Sun” nəşri xəbər verir.

Uels şahzadəsi və xanımı yaxın aylarda Böyük Vindzor Parkının yaxınlığında yerləşən malikanəyə – Forest Lodca köçməyə hazırlaşırlar. Təhlükəsizlik məsələləri ilə əlaqədar kral ailəsinin üzvləri bağın bir hissəsinə girişi məhdudlaşdıracaqlar. Jurnalistlərin sözlərinə görə, şahzadə Uilyam və Keyt Middltonun qərarı yerli sakinlər arasında narazılıq doğurub.

“Çoxumuz burada 20 ildir ki, itlərimizi gəzdiririk, ona görə də bizə bunu daha edə bilməyəcəyimiz deyiləndə bu sanki bir zərbə oldu. Biz hər il parka qulluq olunması üçün pul ödəyirik, lakin artıq onun bir hissəsindən istifadə edə bilməyəcəyik. Cəmi bir neçə gün əvvəl onlar bizə meşənin bu hissəsinin həmişəlik bağlanacağını bildiriblər. İndi itimi gəzdirmək üçün maşına oturub uzaqlara getməli olacağam”, – cütlüyün gələcək qonşusu şikayətlənib.

Qeyd edilir ki, parkın bir hissəsi 24 saat videonəzarət altında olacaq. Həmçinin ər-arvadın köçməsindən əvvəl ağaclar və kollar əkiləcək, evi kənar gözlərdən gizlədəcək yeni hasar qurulacaq.

 

Paraqraf.com