Azərbaycanın voleybol yığmaları Avropa Liqasında növbəti oyunlarına çıxacaqlar

Azərbaycanın kişi və qadın voleybolçulardan ibarət milliləri Avropa Liqasında növbəti matçlarına çıxacaqlar.

Paraqraf.com-un məlumatına görə, Faiq Qarayevin baş məşqçisi olduğu qadınlardan ibarət yığma İsraillə üz-üzə gələcək.

Qarşılaşma saat 20:00-da start götürəcək. Bu mərhələnin oyunları Şimali Makedoniyada keçirilir.

Boris Qrebennikovun rəhbərlik etdiyi kişilərdən ibarət komanda isə Macarıstan yığması ilə görüşəcək. Qarşılaşma Gənclər və İdman Nazirliyinin Voleybol Mərkəzində, saat 18:00-da başlayacaq. Bu mərhələnin qarşılaşmaları Bakıda keçirilir.

Qeyd edək ki, qadınlardan ibarət yığma növbəti matçını sabah İsveçrəyə qarşı keçirəcək. Kişi voleybolçular isə iyunun 21-də Portuqaliya yığması ilə görüşəcək.

 

Paraqraf.com