Asiya İnkişaf Bankı Pakistana 700 milyon dollarlıq kredit ayırıb

Asiya İnkişaf Bankı (ADB) Pakistanda sığorta sektorunun gücləndirilməsinə yönəlmiş islahatları dəstəkləmək üçün 700 milyon dollar məbləğində kreditin verilməsini təsdiqləyib.

Paraqraf.com xəbər verir ki, bu barədə DAWN nəşri ADB-nin məlumatına istinadən məlumat yayıb.

Qeyd olunub ki, proqram sığorta təminatının genişləndirilməsinə və bu sahədəki boşluqların azaldılmasına yönəlib.

O, həmçinin özəl sektorun iştirakının stimullaşdırılmasına və davamlı iqtisadi artımın dəstəklənməsinə kömək edəcək, sığorta bazarlarının dərinləşdirilməsi və ev təsərrüfatlarının, müəssisələrin, fermerlərin və s. maliyyə müdafiəsinin genişləndirilməsi hesabına Pakistanın maliyyə dayanıqlığını gücləndirəcək.

ADB-nin məlumatına görə, Pakistanın maliyyə sistemi hələ də bank sektorundan xeyli asılıdır.

 

Paraqraf.com