Bu gün Paraqraf.com informasiya portalının təsisçisi Türkan Səfərovanın doğum günüdür.
Türkan Səfərova uzun illər Azərbaycan mediasında uğurlu fəaliyyət göstərərək jurnalistika sahəsində özünəməxsus yer tutub. Xüsusilə Space TV-də çalışdığı dövrdə peşəkarlığı, operativliyi və jurnalist etikasına sadiqliyi ilə həm həmkarlarının, həm də tamaşaçıların rəğbətini qazanıb.
Media sahəsində qazandığı zəngin təcrübəni sonrakı fəaliyyətində də uğurla davam etdirən Türkan Səfərova bu gün rəhbərlik etdiyi Paraqraf.com informasiya portalının inkişafında mühüm rol oynayır. Onun məqsədyönlü fəaliyyəti, yüksək təşkilatçılıq bacarığı və media prinsiplərinə sadiqliyi saytın qısa müddətdə geniş oxucu auditoriyası qazanmasına öz töhfəsini verib.
Bir media rəhbəri kimi Türkan xanım daim yeniliklərə açıq mövqeyi, peşəkar kollektiv formalaşdırmaq bacarığı və jurnalistikanın inkişafına verdiyi dəstəklə seçilir.
Fürsətdən istifadə edərək, Paraqraf.com-un Baş redaktoru olaraq Türkan xanımı doğum günü münasibətilə səmimi-qəlbdən təbrik edir, ona möhkəm cansağlığı, ailə xoşbəxtliyi, yeni uğurlar və həyata keçən arzular arzulayıram. İnanıram ki, gələcək fəaliyyətində də daha böyük nailiyyətlərə imza atacaq və Azərbaycan mediasına dəyərli töhfələr verməyə davam edəcək.
Doğum gününüz mübarək, Türkan xanım!
Hörmətlə,
Həsən Məmmədov
Paraqraf.com-un Baş redaktoru
