Ukrayna Rusiyanın hərbi obyektlərinə, neft emalı zavoduna zərbə endirib

Ukrayna Silahlı Qüvvələrinin Baş Qərargahı Rusiyanın Krasnodar diyarındakı “İlski” neft emalı zavodunun (NEZ) vurulduğunu bəyan edib.

Paraqraf.com “RBK-Ukrayna”ya istinadən xəbər verir ki, bu barədə Ukrayna Silahlı Qüvvələrinin Baş Qərargahından bildirilib.

Məlumata görə, obyekt iyunun 1-də və iyunun 2-nə keçən gecə vurulub. Zərbədən sonra müəssisənin ərazisində yanğın baş verib. Zərərin miqyası dəqiqləşdirilir.

Bundan başqa, Baş Qərargah Vidnoye rayonunda “Pantsir-S1” zenit-raket kompleksinin vurulduğunu və işğal altındakı Krımda Rusiya qoşunlarının gəmisinə zərbə endirildiyini bəyan edib.

 

Paraqraf.com