Çində kömür mədənində ölənlərin sayı 90 nəfərə çatıb

Çinin şimalında yerləşən Şansi əyalətindəki kömür mədənində qaz partlaması nəticəsində həlak olanların sayı 90 nəfərə yüksəlib.

Paraqraf.com-un məlumatına görə, bu barədə şənbə günü Çinin Mərkəzi Televiziyası xəbər verib.

Məlumata görə, Lyuşenyu kömür mədənində qaz partlayışı cümə axşamı baş verib. Xilasetmə işləri davam edir. Çin Sədri Si Cinpin hərtərəfli araşdırma aparılmasına və təqsirkarların qanuna uyğun olaraq məsuliyyətə cəlb edilməsinə çağırıb. Axtarış-xilasetmə əməliyyatlarına ümumilikdə 345 nəfər cəlb edilib.

 

Paraqraf.com