Aydın Kərimov: Şuşada istənilən fəsildə su problemi yoxdur

Artıq Şuşada istənilən fəsildə su problemi yoxdur.

Paraqraf.com xəbər verir ki, bunu Şuşa rayonunda Prezidentin xüsusi nümayəndəsi Aydın Kərimov Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində Azərbaycan pavilyonunda “Münaqişədən sonra şəhərsalma: Məhv edilmiş kimliyin bərpası və inteqrasiya olunmuş gələcəyin yenidən qurulması” mövzusunda təşkil olunan tədbirdə deyib.

“Şəhərdə nəqliyyat infrastrukturu təmin edilib. Əhmədbəyli–Füzuli–Şuşa avtomobil yolunda ümumi uzunluğu 12,7 km (iki istiqamət üzrə) olan 7 yol tunelinin tikintisi həyata keçirilib. Qarabağ küçəsindən Çuxur məhəlləsi istiqamətində (“Torpaq Meydanı”na doğru) yol tikintisi və yeraltı kommunal xətlərin çəkilişi aparılıb, həmçinin yeraltı rabitə şəbəkələri quraşdırılıb”.

Xüsusi nümayəndə məlumat verib ki, Ağdam–Əsgəran–Xocalı–Xankəndi avtomobil yolunun tikintisi nəticəsində Şuşa şəhərinə olan məsafə azaldılıb, şəhərdaxili marşrutlardan biri üzrə 4 elektrik avtobusu istismara verilib.

Bildirilib ki, Şuşa ilə Xankəndi arasında kanat yolu layihəsi hazırlanır.

 

Paraqraf.com