ABŞ Birinci Süvari Diviziyasının dəstələrini Texasdan Polşaya yerləşdirir.
Paraqraf.com Polşanın Milli Təhlükəsizlik Bürosunun (BBN) direktoru Bartoş Qrodetskiyə istinadən xəbər verir ki, söhbət xaricdə bölmələrin yerləşdirilməsi çərçivəsində Amerika qüvvələrinin davam edən rotasiyasının bir hissəsindən gedir.
Onun sözlərinə görə, planlaşdırılan şəxsi heyətin 20 %-dən çoxu və hərbi texnikanın təxminən 70 %-i artıq Polşaya yerləşdirilib ki, bu da döyüş hazırlığı səviyyəsinə təsir göstərir.
Daha əvvəl “The Wall Street Journal” ABŞ-nin Polşaya zirehli briqada yerləşdirməsini dayandırmaq qərarı barədə məlumat verib. Bu arada, Polşanın müdafiə naziri Vladislav Kosinyak-Kamış dəyişikliklərin ABŞ-nin ölkədəki mövcudluğunun azaldılması ilə əlaqəli olmadığını və Avropada planlaşdırılan qoşun rotasiyasının bir hissəsi olduğunu bildirib.
Paraqraf.com
