UEFA Çempionlar Liqası: “Arsenal” finalda PSJ ilə qarşılaşacaq

UEFA Çempionlar Liqasında yarımfinal mərhələsinə yekun vurulub.

Paraqraf.com xəbər verir ki, Almaniyanın “Bavariya” klubu öz meydanında Fransanın PSJ komandasını qəbul edib.

Parisdə keçirilən ilk qarşılaşma PSJ-nin 5:4 hesablı qələbəsi ilə bitmişdi.

Cavab görüşündə hesabı qonaqlar açıblar. 3-cü dəqiqədə Usman Dembele komandasını önə çıxarıb.

Matçın sonunda – 90+4-cü dəqiqədə “Bavariya”nın futbolçusu Harri Keyn bərabərlik qolunu vurub. Lakin iki oyunun nəticəsinə əsasən PSJ finala vəsiqə qazanan tərəf olub.

Qeyd edək ki, yarımfinalın digər cavab matçında İngiltərənin “Arsenal” klubu öz meydanında İspaniyanın “Atletiko” komandasını 1:0 hesabı (ilk oyun – 1:1) ilə məğlub edərək finalda iştirakını təmin etmişdi.

Beləliklə, UEFA Çempionlar Liqasının mayın 30-da Budapeştdə keçiriləcək final matçında “Arsenal” PSJ ilə qarşılaşacaq.

 

Paraqraf.com