Bu ilin yanvar ayında Azərbaycan 14,2 milyon ABŞ dolları dəyərində 45 min ton karbamid ixrac edib.
Paraqraf.com-un Dövlət Statistika Komitəsinin məlumatları əsasında apardığı hesablamalarına əsasən, bu, ötən ilin eyni dövrünün göstəricisindən dəyər ifadəsində 33 %, kəmiyyət olaraq – 39 % azdır.
Hesabat dövründə Azərbaycan Ukraynaya 10 milyon ABŞ dolları dəyərində (1 il əvvəlki göstəricidən 47 % az) 31 min 305 ton (-52 %), Rumıniyaya 3,2 milyon ABŞ dolları dəyərində (+2,3 dəfə) 10 min 570 ton (+2,1 dəfə), İsrailə 450 min ABŞ dolları dəyərində 1 min 500 ton (1 il əvvəl tədarük olmayıb), Yunanıstana 306 min ABŞ dolları dəyərində 1 min ton (1 il əvvəl tədarük olmayıb), Türkiyəyə 137,5 min ABŞ dolları dəyərində (-83 %) 410 ton (-86 %) məhsul satıb.
2025-ci ildə Azərbaycandan ixrac edilmiş 543 min 532 ton karbamidin 72,4 %-i Ukraynanın payına düşüb.
Paraqraf.com
