ABŞ-nin Xarq adasına endirdiyi zərbələrlə hərbi anbarlar məhv edilib

ABŞ Silahlı Qüvvələrinin Xarq adasında endirdiyi zərbələr nəticəsində hərbi anbarlar məhv edilib.

Paraqraf.com xəbər verir ki, bu barədə CNN telekanalı ABŞ hərbi mənbələrinə istinadən məlumat yayıb.

Qeyd olunur ki, zərbələr yeraltı raket bunkerləri, dəniz minaları anbarları və digər hərbi infrastruktura endirilib.

İranın əsas neft ixracı terminallarından birinin yerləşdiyi Xarq adasındakı neft obyektlərinə hər hansı zərər dəyməyib.

Məlumata görə, adanın bombardman edilməsi zamanı azı 15 partlayış səsi eşidilib.

Bundan əvvəl ABŞ Prezidenti Donald Tramp bəyan etmişdi ki, Amerika Silahlı Qüvvələri İranın Xarq adasındakı hərbi obyektlərə genişmiqyaslı zərbə endirib. Bombardmanın hədəfləri hərbi obyektlər olub. ABŞ dövlət başçısı qeyd edib ki, adada yerləşən neft infrastrukturunu məhv etməmək barədə qərar qəbul edib.

 

Paraqraf.com