UEFA Çempionlar Liqasında 1/8 final mərhələsinin püşkü atılır

UEFA Çempionlar Liqasında 1/8 final mərhələsinin püşkü bu gün atılacaq.

Paraqraf.com-un məlumatına görə, tədbir UEFA-nın İsveçrənin Nyon şəhərindəki mənzil-qərargahında baş tutacaq.

Pükatma mərasimi Bakı vaxtı ilə saat 15:00-da start götürəcək.

Bu raundda Liqa mərhələsini ilk “8-lik”də başa vuran komandalar və pley-offun qalibləri iştirak edəcəklər.

Liqa mərhələsinin ilk “8-liy”i: “Arsenal” (İngiltərə), “Bavariya” (Almaniya), “Liverpul” (İngiltərə), “Tottenhem” (İngiltərə), “Barselona” (İspaniya), “Çelsi” (İngiltərə), “Sportinq” (Portuqaliya), “Mançester Siti” (İngiltərə).

Pley-off mərhələsinin qalibləri: “Real” (İspaniya), “PSJ” (Fransa), “Nyukasl” (İngiltərə), “Atletiko” (İspaniya), “Atalanta” (İtaliya), “Bayer 04” (Almaniya), “Qalatasaray” (Türkiyə), “Budyo Qlimt” (Norveç).

Qeyd edək ki, 1/8 final mərhələsinin oyunları martın 10-11-i və 17-18-də keçiriləcək.

 

Paraqraf.com