Balaca Fəzailin müalicəsinə göstərilən diqqət yüksək qiymətləndirildi
Respublika Pediatriya Mərkəzində müalicə alan balaca Fəzail İsgəndərova göstərilən tibbi xidmət və qayğı ictimaiyyət tərəfindən yüksək dəyərləndirilib.
Fəzaili ziyarət edən şəxs onun səhhəti və müalicə prosesi ilə yaxından maraqlanıb. Bildirilib ki, uşaqların sağlamlığı cəmiyyət üçün ən həssas və məsuliyyətli məsələlərdəndir və bu baxımdan balaca Fəzailin müalicəsi zamanı nümayiş etdirilən peşəkarlıq və insani münasibət xüsusi təqdirəlayiqdir.
Səmimi qayğı və yüksək tibbi xidmətə görə TƏBİB-ə, Azərbaycan Respublikasının Səhiyyə Nazirliyinə, Respublika Pediatriya Mərkəzinin direktoru Azər Əhmədova, direktorun müalicə işləri üzrə müavini Günel Əhmədovaya, Ə.Qarayev adına Uşaq Kliniki Xəstəxanasının baş həkimi Emil Nuriyevə, Yeni Doğulmuşların Reanimasiyası şöbəsinin müdiri Xalidə Mustafayevaya və bütün tibb heyətinə dərin təşəkkür ifadə olunub.
Qeyd edilib ki, həkimlərin və tibb bacılarının uşaqlara göstərdiyi diqqət və peşəkarlıq dövlətin insan amilinə verdiyi dəyərin bariz nümunəsidir. Bildirilib ki, balaca Fəzailin tezliklə tam sağalaraq ailəsinə qovuşacağına ümid böyükdür.
Sonda uşaqların sağlam gələcəyi naminə çalışan bütün tibb işçilərinin əməyinin daim yüksək qiymətləndirilməsinin vacibliyi vurğulanıb və Fəzailə şəfa arzulanıb.
