Xaçmaz rayon Şəmsəddin Sədiyev adına Qımılqışlaq kənd tam orta ümumtəhsil məktəbinin dərzi köməkçisi ixtisası üzrə təhsil alan şagirdləri ikinci yarımilliyin ilk dərs günündə — 04 fevral 2026-cı il tarixində öz praktiki işlərini təqdim ediblər. Şagirdlər tərəfindən hazırlanan aşpaz forması və papaqları Xaçmaz şəhər Çingiz Abdullayev adına 2 nömrəli tam orta ümumtəhsil məktəbinə təqdim olunub.
Bu prosesdə Xaçmaz Şəmsəddin Sədiyev adına Qımılqışlaq kənd tam orta ümumtəhsil məktəbinin 4 “A” sinif şagirdləri də fəal iştirak ediblər. Onlar hazırlanan formaları geyinərək dərzi köməkçisi şagirdlərinə dəstək göstərib, onların praktiki fəaliyyətini yaxından izləyiblər.
Tədbir uşaqlar üçün həm öyrədici, həm də əyləncəli keçib. Şagirdlər işləyərək xoş vaxt keçirib, üzlərindəki təbəssüm tədbirə xüsusi rəng qatıb. Uşaqların sevinc dolu gülüşləri bir daha göstərdi ki, peşə bacarıqlarının erkən yaşlardan aşılanması onların gələcək inkişafında mühüm rol oynayır.
Hər bir uşağın gülüşü bizim üçün dəyərlidir. Gəlin, onları hər zaman sevindirək və sevdikləri peşələri onlara sevdirək.
Elçin Ağasıyev
Paraqraf.com
