Qızılın qymətində cümə günü 1983-cü ildən bəri ən kəskin bir günlük ucuzlaşmaya baxmayaraq, qızılın qiymətinin 2026-cı ilin sonuna qədər unsiyası üçün 6300 dollara çatacağını gözləyir.
Paraqraf.com xəbər verirki, bu təxmini “JPMorgan” iəli sürüb.
Qızıl fyuçersləri bazar ertəsi günü 0,9% düşüb və Prezident Donald Trampın keçmiş FED üzvü Kevin Uorşu Federal Ehtiyat Sisteminin sədri vəzifəsinə namizəd göstərmək niyyətində olduğu xəbərindən sonra enişini davam etdirib. Bu, investorları sakitləşdirən gözlənilən seçim idi.
Bununla belə, “JPMorgan” bildirib ki, investorlar və mərkəzi banklar təhlükəsiz aktivi kimi qızıl almağa davam etdikcə, qızılın qiymətinin 2026-cı ilin sonuna qədər unsiyası üçün 6300 dollara çatacaq.
Broker şirkəti mərkəzi bankların qızıl alışının bu il 800 tona çatacağını gözlədiyini bildirib.
“Son qısamüddətli dəyişkənlik nəzərə alınmaqla belə, real aktivlərin maliyyə aktivlərindən daha güclü olması fonunda hələ də tükənməmiş aydın, struktur və davam edən diversifikasiya trendi ilə dəstəklənən qızılın orta müddətli yüksəlişinə qətiyyətlə əminik”.
Dünya Qızıl Şurasının məlumatına görə, qızıl rekord qıran 2025-ci ildən sonra sürətlə bahalaşır. 53 yeni rekord qeydə alınıb və tarixdə ilk dəfə olaraq 5000 min dolları keçib.
Orta illik qiymət 2025-ci ildə unsiya üçün 3431 dollara çatıb ki, bu da əvvəlki illə müqayisədə 44% çoxdur.
“Deutsche Bank” da 2026-cı ilin sonuna qədər qızılın qiymət proqnozunu 6000 dollar kimi qeyd edib. UBS və “Société Générale” isə müvafiq olaraq qiyməti 6200 və 6000 dollar səviyyəsində gözləyir.
“Morgan Stanley”, “Goldman Sachs” və “Citi” bu il qiymətləri müvafiq olaraq unsiya üçün 5700 dollar, 5400 dollar və 5000 dollar olaraq proqnozlaşdırıblar.
İnvestorlar tez-tez qızılı inflyasiya və iqtisadi qeyri-sabitliyə qarşı bir vasitə kimi alırlar, çünki digər aktivlər dəyərini itirdikdə belə qızıl dəyərini saxlayır.
2025-ci ildə qızıl qiymətlərinin artması Trampın tarif siyasəti və onların inflyasiyaya potensial təsiri ilə bağlı narahatlıqlar, inadkar yüksək faiz dərəcələri, zəifləyən ABŞ dolları, ötən ilki rekord hökumət bağlanması və yavaş əmək bazarı ilə əlaqədar olub.
Bu arada, dünyanın mərkəzi bankları yüksək qiymətlərə baxmayaraq aktiv şəkildə qızıl alıblar. Onlar bunu Ukraynadakı müharibə və Qəzzadakı münaqişəyə qarşı tədbir kimi edir, ehtiyatları artırırlar.
Federal Ehtiyat Sistemi (FES) ötən il ardıcıl üç dəfə faiz dərəcələrini dörddə bir bənd endirib. Ötən həftə faiz dərəcələri dəyişməz qalıb, lakin bu il daha bir endirim gözlənilir.
Aşağı faiz dərəcələri adətən Xəzinədarlığın gəlirliliyinin aşağı düşməsinə səbəb olur, faizsiz qızılı daha da cəlbedici aktivə çevirir və bu il onun qiymət artımı ehtimalını artırır.
Paraqraf.com
