Ana Vətən Partiyasının təşkilatçılığı ilə 2 Fevral – Azərbaycan Gəncləri Günü münasibətilə tədbir keçirilib. Tədbirdə Ana Vətən Partiyasının sədri Günay Ağamalı, sədr müavini Ömər Hüseynli, partiya fəalları və gənclər iştirak ediblər.
Əvvəlcə Ulu Öndər Heydər Əliyevin və Vətən uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Tədbirdə çıxış edən natiqlər Ümummilli Lider Heydər Əliyevin əsasını qoyduğu gənclər siyasətinin bu gün Prezident İlham Əliyev tərəfindən uğurla davam etdirildiyini vurğulayıblar. Bildirilib ki, gənclərin milli-mənəvi dəyərlər ruhunda yetişməsi dövlət siyasətinin əsas prioritetlərindəndir. Eyni zamanda, Birinci vitse-prezident Mehriban Əliyevanın gənclərin inkişafı, onların cəmiyyətə fəal inteqrasiyası istiqamətində gördüyü işlər xüsusi qeyd olunub.
Tədbirin sonunda iştirakçılara “Gənclərə tövsiyələr” kitabı hədiyyə edilib. Qeyd olunub ki, bu nəşr gənclərin dünyagörüşünün formalaşmasına və gələcək inkişafına töhfə verəcək.
Görüşün bədii hissəsində istedadlı gənclərin çıxışları tədbirə xüsusi rəng qatıb. Sonda təşkilatçılığa görə Ana Vətən Partiyasının sədri Günay Ağamalıya təşəkkür edilib, gənclərə gələcək fəaliyyətlərində uğurlar arzulanıb.
