Tramp Venesuela nefti üçün plan hazırladı

Amerika hakimiyyəti Venesuelanın neft sənayesini illər ərzində nəzarətdə saxlamaq üçün genişmiqyaslı bir plan hazırlayır.

Paraqraf.com xəbər verir ki, bunu “The Wall Street Journal” mənbələrə istinadən yazıb.

“Prezident Tramp və onun müşavirləri illər ərzində Venesuela neft sənayesinə hakim olmaq üçün böyük bir təşəbbüs planlaşdırırlar və prezident köməkçilərinə səylərinin neft qiymətlərini istədiyi 50 dollara endirməyə kömək edə biləcəyinə inandığını bildirib”, – deyə nəşr məsələ ilə tanış olan mənbələrə istinadən bildirir.

Nəşrin məlumatına görə, plan ABŞ-nin Venesuelanın dövlət neft şirkəti “Petróleos de Venezuela” SA (PdVSA) üzərində müəyyən nəzarət qurmasını, o cümlədən onun neft məhsullarının əksəriyyətinin əldə edilməsini və satışını nəzərdə tutur.