Qrafik prosessorlar istehsalçısı olan “Nvidia” şirkətinin baş direktoru Djensen Huanq “The Financial Times” (FT) nəşrinin versiyasına əsasən “İlin adamı” seçilib.
Paraqraf.com xəbər verir ki, bu barədə nəşrin saytında məlumat verilib.
“FT-nin (versiyasına görə) “İlin adamı” – Djensen Huanq. O, süni intellektin genişmiqyaslı bumunun arxasında duran hərəkətverici qüvvədir və qlobal iqtisadiyyatı dəyişdirmək potensialına malikdir”, – deyə nəşr qeyd edib.
Həmçinin “Time” jurnalı Djensen Huanq da daxil olmaqla, süni intellekt memarlarını “İlin adamları” adlandırıb. Nəşr “xAI”nin baş direktoru İlon Maskı, “OpenAI”nin baş direktoru Sem Altmanı və “Meta”nın qurucusu Mark Zuckerberqi bu ada layiq görüb.
Bu arada, “Polymarket” proqnozlar onlayn platformasının istifadəçiləri “Time”ın bu dəfə ABŞ Prezidenti Donald Trampı, Papa XIV Leonu, “Nvidia”nın baş direktoru Djensen Huanqı və ya “OpenAI”nin baş direktoru Sem Altmanı “İlin adamı” adlandıracağını proqnozlaşdırmışdılar.
Paraqraf.com
