Ukrayna ordusu dekabrın 11-nə keçən gecə Rusiyanın Moskva vilayətinə pilotsuz uçuş aparatları (PUA) ilə kütləvi hücum həyata keçirib.
Paraqraf.com xəbər verir ki, bu barədə məlumatı Rusiya Müdafiə Nazirliyi yayıb.
Bildirilib ki, gecə ərzində Rusiyanın hava hücumundan müdafiə vasitələri region üzərində 40 PUA zərərsizləşdirib. Həmin dronlardan 32-nin paytaxt istiqamətində uçduğu qeyd olunub.
Bununla yanaşı, gecə Domodedovo, Şeremetyevo, Vnukovo və Jukovski hava limanlarında uçuşlar dayandırılıb. Bakı vaxtı ilə təqribən saat 09:00-da aeroportların fəaliyyəti bərpa edilib.
Dağıntı və xəsarət alanların olub-olmaması barədə məlumat verilməyib.
Paraqraf.com
Visited 10 times, 1 visit(s) today
