Tramp ötən həftə Venesuela lideri Maduro ilə telefonla danışıb

ABŞ Prezidenti Donald Trampın ötən həftə Venesuela Prezidenti Nikolas Maduro ilə telefon danışığı apardığı bildirilib.

Paraqraf.com xəbər verir ki, bu barədə “New York Times” qəzeti məlumat yayıb.

Rəsmilər qeyd edib ki, ABŞ-nın Venesuelaya hərbi müdaxilə ilə hədələməyə davam etdiyi bir vaxtda baş tutan telefon danışığına baxmayaraq, iki liderin görüş keçirməsi ilə bağlı plan yoxdur.

Məlumata görə, telefon danışığında ABŞ dövlət katibi Marko Rubionun da iştirak etdiyi vurğulanıb.

Qeyd olunur ki, həm Ağ Ev, həm də Venesuela hökuməti görüşlə bağlı hər hansı şərh verməkdən imtina edib.

Kəmalə Vəliyeva
Paraqraf.com