Hindistanda avtomobil nömrəsi rekord qiymətə satılıb

Hindistanda avtomobilin HR88B8888 dövlət qeydiyyat nişanı rekord qiymətə – 11.7 milyon Hindistan rupisinə (130 min dollardan çox) satılıb.

Paraqraf.com xəbər verir ki, bu barədə “Times of India” qəzeti məlumat yayıb.

Nömrə Haryana ştatında keçirilən onlayn hərracda satılıb. Burada hərf və rəqəmlərin kombinasiyası xüsusilə cəlbedici görünür, çünki B hərfi vizual olaraq 8 rəqəminə bənzəyir və bütün kombinasiyaya ardıcıl səkkizlər effekti verir.

Numerologiyada 8 rəqəmi var-dövlət, uğur və firavanlıqla əlaqələndirilir.

Paraqraf.com