Musiqi müəllimlərinin attestasiyasının vaxtı AÇIQLANDI

Mədəniyyət Nazirliyinin tabeliyində fəaliyyət göstərən musiqi və incəsənət məktəbləri müəllimlərinin peşə səriştə və bacarıqlarının ölçülməsi məqsədilə növbəti attestasiya 2026-cı ilin fevral ayında keçiriləcək.

Paraqraf.com xəbər verir ki, bu barədə mədəniyyət nazirinin müşaviri Cəsarət Valehov sosial şəbəkədə ona ünvanlanan suala cavab olaraq bildirib.

Bildirilib ki, budəfəki attestasiya regionlardakı musiqi və incəsənət məktəblərini əhatə edəcək.

Qeyd edək ki, 2025-ci il üzrə nəzərdə tutulan attestasiya prosesi iyulun 1-də başa çatıb.